Մեր մասին

DZILLI GROUP

Dzilli Group-ը հիմնադրվել է 2006 թվականին՝ նպատակ ունենալով ձևավորել պրոֆեսիոնալ միջավայր, որտեղ յուրաքանչյուր գործընկեր կարող է ստանալ բարձրակարգ տեխնիկա, վստահելի սպասարկում և երկարաժամկետ համագործակցության աջակցություն։ Այսօր Dzilli Group-ը Հայաստանի շինարարական, հանքարդյունաբերական և արդյունաբերական ոլորտների առաջատար ընկերություններից է՝ ապահովելով լիարժեք լուծումներ տեխնիկայի, պահեստամասերի և էներգետիկ սարքավորումների մատակարարման ոլորտում։

Մեր գործունեության հիմքում է տարիներով կուտակված փորձը, մասնագիտական գիտելիքները և անքակտտ սկզբունքը՝ վստահելիությունը բիզնեսում ամենամեծ արժեքն է։ 

Dzilli Group-ը ավելի քան 17  աշխարհահռչակ ապրանքանիշերի պաշտոնական ներկայացուցիչն է՝


Hitachi Construction Machinery (Ճապոնիա) – էքսկավատորներ, բեռնիչներ և շինարարական տեխնիկա, որոնք համատեղում են հզորությունը, ճշգրտությունը և ինժեներական կատարելությունը։


Manitou (Ֆրանսիա) – Բեռնիչ-էքսկավատորներ,  կոմպակտ բեռնիչներ, տելեսկոպիկ բեռնիչներ, բարձրացնող հարթակներ, պահեստավորման տեխնիկա որոնք ապահովում են արդյունավետություն ցանկացած աշխատանքում։


Himoinsa (Իսպանիա) – դիզելային և գազային գեներատորների առաջատար արտադրող, որի լուծումները կիրառվում են ինչպես արդյունաբերական, այնպես էլ քաղաքացիական ենթակառուցվածքներում։


Sullair (ԱՄՆ/Ճապոնիա) – կոմպրեսորների ոլորտում տեխնոլոգիական առաջընթացի խորհրդանիշ՝ երաշխավորված որակով և էներգախնայողությամբ։


Fuchs (Գերմանիա) – արդյունաբերական յուղերի և քսայուղերի համաշխարհային առաջատար, որն ապահովում է տեխնիկաների և սարքավորումների անխափան աշխատանքը։


Goodyear (ԱՄՆ) – արդյունաբերական ու ծանր տեխնիկայի , ինչպես նաև թեթև մարդատար մեքենաների անվադողերի արտադրության համաշխարհային ապրանքանիշ։

Dzilli Group-ի կարևորագույն առավելություններից մեկն այն է, որ  առաջարկում է ամբողջական լուծումներ՝ սկսած տեխնիկայի ընտրությունից մինչև հետվաճառքային սպասարկում։ Ընկերությունն առաջարկում է ՝ 

  • Տեխնիկական խորհրդատվություն և մոդելի ընտրություն, ըստ ձեր բիզնեսի կամ նախագծի պահանջների, 

  • Ֆինանսական և լիզինգային լուծումներ, համագործակցելով Հայաստանի առաջատար բանկերի և լիզինգային ընկերությունների հետ,

  • Պահեստամասերի մատակարարում և սպասարկման կազմակերպում,

  • Արագ արձագանքում արտակարգ իրավիճակներում՝ ապահովելով անընդհատ աշխատանքային ցիկլ։

Այս մոտեցումը թույլ է տալիս հաճախորդներին կենտրոնանալ իրենց բիզնեսի զարգացման վրա՝ վստահ լինելով, որ տեխնիկական կողմը հուսալի ձեռքերում է։

 

Dzilli Group-ի արժեքային համակարգը հիմնված է երեք առանցքային սկզբունքի վրա՝

  1. Արդյունավետություն – ընկերության տեխնիկական լուծումները նախատեսված են արտադրողականությունը բարձրացնելու և ժամանակը խնայելու համար։

  2. Հուսալիություն – յուրաքանչյուր ապրանքանիշ և ծառայություն անցնում է խիստ որակի վերահսկում։

  3. Երկարաժամկետ գործընկերություն – ընկերության նպատակն է ոչ թե մեկ գործարք, այլ երկարատև վստահելի գործընկերային հարաբերություններ։

Արդեն երկու տասնամյակ Dzilli Group-ը մասնակցում է Հայաստանի կարևորագույն շինարարական, հանքարդյունաբերական, ենթակառուցվածքային և էներգետիկ նախագծերին։
Ընկերության տեխնիկան աշխատում է ամենամեծ շինհրապարակներում, ճանապարհաշինական ծրագրերում, արդյունաբերական համալիրներում և պետական նախագծերում՝ նպաստելով Հայաստանի տնտեսոիթյան զարգացմանը։

 

Dzilli Group-ը բաց է համագործակցության համար՝ անկախ բիզնեսի ծավալից կամ ոլորտից։
Ընկերության փորձը, տեխնիկական պաշարները և միջազգային գործընկերային կապերը թույլ են տալիս գտնել լավագույն լուծումը յուրաքանչյուր հաճախորդի համար։

Պաշտոնական ներկայացուցիչ՝ Hitachi • Manitou • Himoinsa • Sullair • Fuchs • Goodyear • Graco • Alco • Donaldson • Combi • MTG • ITR •CTP • BYG • Bahco և այլ համաշխարհային հնչեղություն վայելող ապրանքանիշեր: 


 

Հավաստագրված մասնագետներ

Հավաստագրված մասնագետներ

Փորձառու մասնագետներ

Փորձառու մասնագետներ